तनाब व्यबस्थापन तालिम

कोरोना कहरमा भक्तपुर जिल्ला बचत संघको तनाव व्यवस्थापन तालिम
भाद्र २३, भक्तपुर जिल्ला बचत तथा ऋण सहकारी संघ लि.को तालिम व्यवस्थापन उपसमितिको आयोजनामा भर्चुअल तनाव व्यवस्थापन तालिम सम्पन्न भयो । तालिममा उद्घाट्न मन्तव्य राख्दै संघका अध्यक्ष कृष्ण गोविन्द लाखाजुले कोरोना कहरले विश्व आंतक बनाएको अवस्थामा नेपालमा सहकारी क्षेत्रलाई उपेक्षा गरेकोमा दुःख व्यक्त गर्दै प्रेस विज्ञप्ती प्रकाशित गरेको कुरा बताउनुभयो ।
संघका वित्तीय सेवा प्रवद्र्धन उपसमितिका सदस्य राजकुमार लघुले महामारीको अवस्थामा तालिम आवश्यकताको विश्लेषणबाट प्राप्त पृष्ठ पोषणका आधारमा भाद्र ९ गते बार्षिक योजना तथा बजेट निर्माण तालिम, भाद्र १६ गते महामाहारीमा ऋण व्यवस्थापन तालिम सम्पन्न गरेको कुरा बताउनु भयो । वहाँले सहभागीहरुलाई स्वागत गर्दै महामाहारीको अवस्थामा व्यवसाय निरन्तरतामा यस तालिमले महत्वपुर्ण भुमिका खेल्न कुरा राख्नुभयो ।
बाराही बचत तथा ऋण सहकारी संस्था लिका व्यवस्थापक शिवजी हाकुदुवालले प्रडक्टको परिभाषा, प्रडक्ट निर्माणका प्रक्रिया, बजारिकरणका बारेमा प्रस्तुतीकरण गर्दै तालिम दिनुभयो । साथै महामहारीको अवस्थामा सहकारी व्यवसायलाई निरन्तरता दिन महामाहारीलाई अवसरको रुपमा लिई नयाँ प्रडक्टहरु बनाउन सकिने कुराहरु बताउनुभयो । महामारीको अवस्थामा सहकारी संस्थाले गर्नुपर्ने कामहरु बताउनु भयो ।
तालिम संघको फेसबुक पेजमा प्रत्यक्ष प्रसारण गरेको थियो भन्ने जुममा प्रत्यक्ष ६३ जनाको सहभागिता रह्यो । तालिममा उठेको जिज्ञासा संघका अध्यक्ष कृष्णगोविन्द लाखाजु, प्रस्तोता बाराही साकोसका व्यवस्थापक शिवजी हाकुदुवाल र संघका व्यवस्थापक बालकृष्ण धोजुले सहजिकरण गर्नु भयो ।