News

वित्तीय व्यवस्थापन तालिम सम्पन्न

वित्तीय व्यवस्थापन तालिम सम्पन्न
२०८० चैत्र १० गते, भक्तपुर जिल्ला बचत तथा ऋण सहकारी संघ लि.को वित्तीय सेवा प्रवद्र्धन उपसमितिको आयोजनामा वित्तीय व्यवस्थापन तालिम संघको तालिम हलमा सम्पन्न भयो । संघका कोषाध्यक्ष कान्छाभक्त घजुले संस्थामा रहेको वित्तीय स्रोतको प्रभावकारी व्यवस्थापन र सुशासन नहुँदा सहकारीमा तरलताको जोखिम, लगानीका जोखिम, संचालन जोखिम लगाएका समस्याहरु देखिएको बताउनुभयो । उहाँले संस्थालाई मजबुत बनाउन ऋण नोक्सानी कोषको व्यवस्था, सदस्यको धन तथा धित्तो जमानीमा मात्र ऋण प्रवाह र तरलता व्यवस्थापनलाई ध्यान दिनुपर्ने कुरा बताउनुभयो ।
संघका व्यवस्थापक बालकृष्ण धोजुले सहकारीको दिगो विकासको लागि दिगो वित्तिय व्यवस्थापन गर्नुपर्ने बताए । उहाँले सहकारीमा शेयर दायित्वलाई कम गर्दै जगेडा कोषलाई बढाउन सके लाभाशँमा सकस नपर्ने बताउनुभयो । साथै सहकारीमा बचतको विविधिकरण अन्र्तगत नियमित बचत र अन्य बचतको न्यूनतम मौज्दात कायम रहेन दिर्घकालीन दायित्वको भारलाई बढाउदै लान सके वित्तीय स्थिरतामा टेवा पुग्ने उहाँको भनाई थियो ।
तालिमका सहजकर्ता ज्ञानमणि न्यौपानेले तालिममा सिकेका कुराहरु सहकर्मीहरु लाई पनि सिकाई संस्थामा व्यवहारिक प्रयोगमा ल्याएमा मात्र तालिमको सार्थकता रहने बताउनुभयो । उहाँले सिकाइ कहिल्यै पनि नसकिने विषय भएकोले निरन्तर सिक्ने इच्छा चाहानालाई उर्जाशिल बनाई राख्नुपर्ने विचार राख्नुभयो ।
तालिममा सहभागीहरुले सहकारीमा वासलातको प्रभावकारी व्यवस्थापन, आम्दानी खर्च, कोष, व्याजदर निर्धारण, कोष बाँडफाँड लगाएताका विषयमा प्रभाकारी सिकाई भएको खुशी व्यक्त गर्नुभयो । तामिलमा संघमा आबद्ध संस्थाहरुका व्यवस्थापक तथा उच्च कर्मचारीहरुकोे सहभागिता रहेको थियो । तालिमको समापन संघका कर्मचारी रोकेश जोशीले गर्नु भएको थियो ।


Related News

आन्तरिक लेखापरिक्षण तालिम सम्पन्न

अन्तरक्रिया कार्यक्रम सम्पन्न

NFRS तालिम सम्पन्न

बार्षिक योजना तथा बजेट निर्माण तालिम सम्पन्न

Notices

ब्याजदर परिमार्जन गरिएको सम्बन्धमा

अन्तर्वार्ताको नतिजा प्रकाशन सम्बन्धमा

कर्मचारी अावश्यकता सम्बन्धी सूचना


Members