कर योजना तालिम सम्पन्न

सहकारीमा थप समस्या सिर्जना हुने देखिएकोले तत्काल संशोधन गर्नुपर्ने बताउनु भयो ।
संघका संचालक इन्द्रप्रसाद व्यान्जुले संस्थाले तिनुपर्ने कर तथा अन्य विवरणहरु समयमा दाखिला गरी दण्ड जरिवानाबाट बच्न कर्मचारीहरुलाई कर सम्बन्धी ज्ञान हुनु आवश्यक रहेको बताउनुभयो । वहाँले सिकेका ज्ञान सिप कार्यरत संस्थामा प्रयोग गरी दक्षता हासिल गर्नुपर्ने विचार राख्नुभयो ।
संघका प्रमुख कार्यकारी अधिकृत बालकृष्ण धोजुले कर सम्बन्धी तालिम लिएर मात्र हुदैन । कर प्राविधिक विषय भएकोले यसको निरन्तर प्रयोग र सिकाई गर्नुपर्ने विचार राख्नुभयो । वहाँले हाल जारी भएको अध्यादेशका बारेमा संघमा आबद्ध सदस्य संस्थाहरुसंग छलफल गर्न २०८१ पुष २५ गते अन्र्तक्रिया कार्यक्रमको आयोजना गरिएको बताउनुभयो ।
लेखापरिक्षक प्रद्युमन घिमिरेले करको विषय सिक्न लेखाको ज्ञान हुनुपर्ने बताए । तालिममा सिकेका कुराहरुको अभ्यास नगरिकन सिक्न नसक्ने भएकोले निरन्तर अभ्यास गर्नुपर्ने वहाँको भनाइ थियो । वहाँले कर दाखिला, अग्रिम कर दाखिला, इ टिडिस र इ फाइलिङ्गको प्रयोगात्मक सिकाई समेत गराउनु भएको थियो ।
तालिममा सहभागीहरुले सहकारीले दाखिला गर्नुपर्ने कर, राजश्व शिर्षक, दाखिला गर्ने तरिका, इटि डिस, इफाइलिङ्ग, अनुमानित करदाखिला लगाएतका विषयमा प्रयोगात्मक सिकाई भएकोले खुशी व्यक्त गर्नुभयो । तालिममा संघमा आबद्ध संस्थाहरुका पदाधिकारी, व्यवस्थापक तथा लेखासम्बन्धीत कर्मचारीहरु २५ जनाको सहभागिता रहेको थियो । तालिमको समापन कार्यक्रमको संचालन संघका कर्मचारी रोकेश जोशीले गर्नुभएको थियो ।