पुँजी पर्याप्तता अनुपात (CAR-Capital Adequacy Ratio)गणना तालिम सम्पन्न

मिति २०८२ माघ ६ गते भक्तपुर जिल्ला बचत तथा ऋण सहकारी संघ लि. को अन्तर लगानी तथा वित्तिय सेवा प्रवद्र्धन उपसमितिको आयोजनामा पुँजी पर्याप्तता अनुपात९ऋब्च्० गणना तालिम केभि लन्च कमलविनायकमा सम्पन्न भयो ।
संघका अध्यक्ष हरिकृष्ण बल्लले संघको कार्य सदस्य संस्था लाई शिक्षा तथा तालिम उपलब्ध गराउने, बहस पैरवी र अन्तर लगानी रहेको बताउनु भयो । उहाँले राष्ट्रिय सहकारी नियमन प्राधिकरणले जारी मापदण्ड बैक वित्तिय संस्थाको प्रभावमा परेको बताउनु भयो । सहकारीको मर्म भन्दा पनि नितान्त बैंक वित्तीय संस्था सरहको प्रतिवेदन तथा विवरण पेश गर्नुपर्ने व्यवस्थाले मापदण्ड परिपालनामा चुनौती थपेको बताउनुभयो । जारी मापदण्डको परिपालना गर्न प्राविधिक पक्षहरुको ज्ञान हुन आवश्यक रहेको बताउदै तालिमले सहकारी संस्थाहरुकोे जोखिम मुल्याँकन र न्युनिकरणमा टेवापुग्ने उहाँको भनाई थियो । उहाँले सिकेको कुरा व्यवहारमा उतार्न अनुरोध समेत गर्नुभयो ।
संघका कोषाध्यक्ष एवम अन्तर लगानी तथा वित्तिय सेवा प्रवद्र्धन उपसमितिका संयोजक कृष्णश्वरी मचामसीले तालिमले संघको महत्वलाई थप पुष्टि गरेको बताए । उहाँले संघहरु भएर नै नियमनकारी निकायले जारी गर्ने विभिन्न निर्देशन तथा मापदण्डका प्राविधिक पक्षबारे प्रारम्भिक संस्थाहरुलाई समयमै जानकारी एवं प्रशिक्षण दिन सकेको जिकिर गर्नुभयो । तसर्थ संघहरुको सम्बद्र्धन र प्रवद्र्धन गर्नुपर्ने राज्यको पनि दायित्व हो भन्नुभयो ।
संघका प्रमुख कार्यकारी अधिकृत बालकृष्ण धोजुले राष्ट्रिय सहकारी नियमन प्राधिकरणले जारी मापदण्डका प्राविधिक पक्ष पुँजीपर्याप्तता अनुपात गणना गर्न सकोस् भन्ने उद्देश्यले तालिमको आयोजना गरेको बताए । उहाँले बचत तथा ऋण सहकारी संस्थाले मात्र अवधिका आधारमा २७ वटा विवरण तथा प्रतिवेदनहरु सम्बन्धित निकायमा बुझाउनुपर्ने व्यवस्था भएपनि सम्बन्धित निकायले सो प्रतिवेदनका विषयमा कुनै चासो नराखेकोले प्रभावकारी हुननसकेको बताउनुभयो । उहाँले एकद्धार नीतिबाट मापदण्ड जारी तथा प्रतिवेदन एवं विवरण बुझ्ने व्यवस्था गर्न सके मात्र सहज र प्रभावकारी हुने भनाई राख्नुभयो ।
तलिमका प्रशिक्षक नवराज घोरासाइनेले सहजीकरण गर्दै वित्तिय विवरणहरुको विश्लेषण गर्ने तरिकाहरु सिकाउनुभयो । उहाँले पुँजी पर्याप्तता नभएमा लाभांश वितरण गर्न नपाउने भन्दै यसलाई वेवास्ता गर्न नहुने बताउनुभयो । यदि पुँजी पर्याप्तता अनुपात कायम नभएमा कि सदस्यसँग पुँजी उठाउने अथवा विभिन्न कोषमा रहेको रकम आर्थिक वर्ष सकेपछि जगेडा कोषमा सार्नुपर्ने कुरा बताउनुभयो ।
तलिममा अन्तर लगानी तथा वित्तिय सेवा प्रवद्र्धन उपसमितिको सदस्य योगेन्द्र खर्बुजाले धन्यवाद मन्तव्य राख्दै तालिमको सार्थकता व्यवहारमा लागु भए पछि मात्र हुने बताउनुभयो । संघका अन्तर लगानी तथा वित्तिय सेवा प्रवद्र्धन उपसमितिको सदस्य अनिलकुमार सुवालले तालिम समापन कार्यक्रम संचालन गर्नुभएको थियो । उक्त तालिममा सदस्य संस्थाहरु मध्येबाट ४० जना व्यवस्थापक एवं बरिष्ठ कर्मचारीहरुको उपस्थिति रहेको थियो ।